Hopp til innhold
X
Innhald

Selje Handelsforening

Coop Prix Selje. Foto: Ottar Starheim, NRK.

Coop Prix Selje. Foto: Ottar Starheim, NRK.

Selje Handelsforening vart skipa i 1920, og laget bygde eige forretningsbygg på Nabben. Laget endra namn til Selje Handelslag i 1946. Selje Handelslag bygde eit stort tilbygg i 1961, og i 2006 vart det noverande Coop Prix-bygget teke i bruk.

På 1980-talet kom Selje Handelslag med i det nyskipa Nordfjord Handelslag med hovudkontor på Nordfjordeid. I 2000 vart så Nordfjord Handelslag slege saman med samvirkelag på Sunnmøre, under namnet Coop Nordfjord og Sunnmøre BA (Coop Nor-Sunn), med administrasjonsstad i Volda.

I 2008 vart Coop Nor-Sunn slege saman med Coop Sogn og Fjordane til Coop Vest BA. Den nye eininga har i alt 83 butikkar frå Hareid i nord til Lærdal i sør og har og kring 870 tilsette. Coop Vest har hovudkontor i Førde.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.12.2009