Hopp til innhold
X
Innhald

Selje kyrkje

Selje kyrkje. Foto: Ottar Starheim, NRK.

Selje kyrkje. Foto: Ottar Starheim, NRK.

Dagens kyrkje i Selje vart bygd i 1866. Arkitekt var J.H. Stockfledt. Byggmeister var Rasmus Sætre frå Stryn.

Altartavla i Selje kyrkje er frå 1866 og måla av Johannes Ludvig Losting som ein kopi av eit nattverdsmotiv måla av Rubens. Originalen heng i St. Paul kyrkje i Antwerpen. Preikestol, nattverdsutstyr, døypefont og kyrkjeklokker er frå byggjeåret til kyrkja.

I 1990 vart vindauga i koret dekorerte med glasmåleri av Hilmar og Svein Sørensen. Kvinnene i Pollane gav lysekruner til kyrkja i 1909.

I Selje kyrkje heng tre gamle portrettmåleri som truleg framstiller Claus Johansson Frimann (1666-1715), ektemaken Anne F. Harboe (1673-1769), og sonen deira, sokneprest Peder Harboe Frimann (1713-1759). To yngre portrettmåleri frå 1878 viser soknepresten Wilhelm Frimann Koren og ektemaken Aletta f. Bøyesen.

Selje med kyrkja tidleg på 1900-talet. © Fylkesarkivet.

Selje med kyrkja tidleg på 1900-talet. © Fylkesarkivet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 24.03.2010