Hopp til innhold
X
Innhald

Sverre Bernhard Nybø

Sverre Bernhard Nybø (1903-1976). Fødd i Oslo, oppvaksen  i Selje og busett seinare på Åheim. Prest og Høgre-politikar.

Sverre Bernhard Nybø (1903-1976). Fødd i Oslo, oppvaksen i Selje og busett seinare på Åheim. Prest og Høgre-politikar.

Cand. theol. frå Menighetsfakultetet 1929. Hjelpeprest i Selje 1930–1938, derav dei to siste åra som konstituert sokneprest. Sokneprest i Vanylven 1939–1974, og i denne tida prost i Sunnmøre prosti frå 1964 til 1974. Sat som medlem av kommunestyret i Vanylven frå freden 1945 til 1963, derav som ordførar i 1945, varaordførar 1947–1950 og ordførar 1959–1961.

Stortingsrepresentant for Møre og Romsdal frå 1953 til 1973, derav som formann i Sjøfarts- og fiskerikomiteen 1969–1973.

Nybø hadde ei mengd tillitsverv i m.a. partistyringa og i landsstyra for fleire kristelege organisasjonar, og gjorde ein stor innsats i etterkrigsåra for organisering av kraftforsyninga på søre Sunnmøre. Styremedlem i Vestlandske Kraftsamband L/L 1954–1963.

Tildelt Kongens fortenestemedalje i gull i 1959. Son av prost Reiel Nybø.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 22.03.2010