Hopp til innhold
X
Innhald

Tjodvegen over Dragseidet

Dagens veg over Dragseidet. Foto: Ottar Starheim, NRK.

Dagens veg over Dragseidet. Foto: Ottar Starheim, NRK.

Dei to eldste offentlege vegane i Sogn og Fjordane er vegen over Dragseidet i Selje og vegen frå Lærdal til Valdres over Filefjell. Etter Gulatingslova skulle vegbreidda kontrollerast ved å ri «baugreid» , d.v.s. at ein skulle ri med eit spyd - på norrønt: tjod - på tvers over hestesalen.

I kvar ende av spydet skulle det hengje ein vidjering. Kvar kvist som reiv av vidjeringar måtte ryddast bort. «Tjodgata» – eller «tjodvegen» - måtte såleis minst ha fem alners breidde (vel tre meter). Nemninga «baugreid» var med i det norske lovverket så seint som i Christina V's norske lov i 1687. Elles nytta folket på Stad mykje ein gangveg over halvøya til Liset på sørsida – Liberravegen – når dei skulle til kyrkje i Selje i gamal tid.

– Sjå elles Strid om veg over Sandvikseidet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 26.03.2010