Hopp til innhold
X
Innhald

Ulrik Vilhelm Boyesen Koren

Ulrik Vilhelm Boyesen Koren (1830–1911) frå Selje, busett i Kalvåg. Prest.

Ulrik Vilhelm Boyesen Koren (1830–1911) frå Selje, busett i Kalvåg. Prest.

Første sokneprest i Bremanger prestegjeld etter at det vart skilt ut frå Kinn prestegjeld i 1864. Han var son av den kjende soknepresten Wilhelm Frimann Koren i Selje, og både Ulrik og ein presteutdanna bror fungerte ei tid som såkalla personellkapellanar i embetet til den aldrande faren i Selje.

Koren stod for bygginga av Frøya kyrkje like ved Kalvåg i 1865 og bygging av ny prestegard ved at ei gamal handelsstove vart flytta frå kremmarleiet Borgund (sjå Kremmarleie i Borgundvågen) på Stadlandet og flytta til Frøyen nedre. Prestegardshuset står framleis, og det var i dette huset at kunstnaren Nikolai Astrup vart fødd i 1880.

I tida i Bremanger dreiv Koren sitt eige sildebruk. Han flytta frå Bremanger for å verte sokneprest i Sveio i 1873. Han vart seinare prost i Lista prosti.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 24.03.2010