Hopp til innhold
X
Innhald

Vegplanar Selje-Bryggja

Vegen frå Selje mot Eide. Oppe til venstre ser vi Mannseidet. Foto: Ottar Starheim, NRK.

Vegen frå Eide mot Selje. Biletet er teke frå Eide mot Berstad med den gamle postvegen over Berstadeidet i bakgrunnen. Foto: Ottar Starheim, NRK.

Då garden Eide inst i Moldefjorden vart postopneri for poststamruta langs kysten i 1823, vart det i tillegg til postruta over Mannseidet også skipa ei sidegrein for posten frå Eide og innover til embetsgardane i Nordfjord.

Denne postruta gjekk over fjellet frå Berstad sør for Eide, og over til Rimstaddalen og til kremmarleiet på Bryggja ved Nordfjorden, og derfrå med robåt innover.

I 1842 tok formannskapet i Selje opp tanken om ein køyreveg over Berstadeidet. Men Selje ville velte anleggsutgiftene over på Davik kommune på sørsida: Selje hevda nemleg at folket i Davik hadde mindre vegplikter å slite med enn i Selje, der ein hadde Dragseidet og Mannseidet frå før. I Selje tapte interessa for veg over Berstadeidet seg snøgt, for i 1858 gjekk kommunestyret inn for å støtte vegprosjektet over Maurstadeidet mellom Åheim og Maurstad/Bryggja som sambandsveg sørover. Denne vegen vart opna i 1866.

Vinterføre på vegen mellom Bryggja og Åheim. Foto: Stein Otto Førde.

Vinterføre på vegen mellom Bryggja og Åheim. Foto: Stein Otto Førde.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 05.03.2019