Hopp til innhold
X
Innhald

Første jordbrukslærar var sogndøl

Den første vandrande «jordbrukslæraren» i Sogn og Fjordane var Elling Rasmusson Aaberge frå Sogndal. Han hadde gått på Sverdrups jordbruksskule på Jarlsberg hovudgard i Vestfold.

Aaberge var reisande lærar frå 1840 til 1842, og vart såleis den første offentlege tenestemannen innan jordbruket i Sogn og Fjordane. Men bøndene var på den tida konservative og svært mistenksame til det embetsmenn og deira sendemenn freista å «prakke» på dei om gardsdrift og fjøsstell.

Det vart litt betre då «Nordre Bergenhus Amts Landhusholdningsselskab» (frå 1919 Sogn og Fjordane Landbruksselskap) vart skipa i 1857 til avløysing for Landhusholdningsselskabet for Bergen By og Stift.

Les meir om meierihistoria i Sogndal.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 04.11.2008