Hopp til innhold
X
Innhald

Gardingane ved Fjærlandsfjorden

I Fjærland har folk ei eiga nemning for folk som bur på dei einbølte gardane ut etter den 27 kilometer lange Fjærlandsfjorden. Dei vert kalla «gardingar». Dei som bur inne i flatbygda vert kalla «fjordingar», og Fjærland heitte også «Fjordbygda» i gamal tid.

På fleire av dei brattlendte gardane ute i fjorden var det vanskeleg å finne åkerland: På plassen Notastein vert det fortalt at dei samla jord for å dyrke ein liten potetåker oppe på ein stor, flat stein. På garden Hammarsnes måtte potetene dyrkast på 5-6 ørsmå spreidde åkerflekkar mellom ur og hamrar.

Einskilde av gardane ligg høgt over Fjærlandsfjorden. Såleis ligg den veglause garden Dalen i Lidal 300 meter o. h. Garden var likevel i bruk heilt til 1970-talet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.08.2011