Hopp til innhold
X
Innhald

Harald Ulrik Sverdrup d.y.

Harald Ulrik Sverdrup d. y. (1888-1957) fødd i Sogndal, busett i Oslo. Polarforskar, meteorolog og oseanograf.

Harald Ulrik Sverdrup d. y. (1888-1957) fødd i Sogndal, busett i Oslo. Polarforskar, meteorolog og oseanograf.

Han studerte under den kjende meteorologen professsor Vilhelm Bjerknes og vart seinare forskingsassistent hjå han i Oslo og seinare i Tyskland. Tok doktorgraden i 1917.

Sverdrup var med som vitskapleg leiar på Roald Amundsen sitt sju år lange tokt i Arktis 1918-1925 med skipet «Maud». I 1926 gav han ut boka « Tre aar i isen med Maud».

Han vart i 1926 professor i dynamisk meteorologi ved Geofysisk Institutt på Bergen Museum, og fekk i 1931 ei forskarstilling ved Chr. Michelsens Institutt.

I 1931 vart han vitskapeleg leiar i Hubert Wilkins sitt mislukka forsøk på å nå Nordpolen med ubåten «Nautilus».

Han leia saman med svensken Hans W. Ahlmann ein norsk-svensk Spitsbergen-ekspedisjon.

Sverdrup var professor ved Scripps Institute of Oceanography, University of California 1936-1948. Saman med to andre forskarar gav han i 1942 ut «The Oceans, their fysics, chemistry and general biology». Dette verket vert sett på som oseanografiens internasjonale standardverk. Vart i 1948 leiar for det nyskipa Norsk Polarinstitutt.

Sverdrup hadde ei rad tillitsverv i internasjonale forskingsorganisasjonar.

Son til Johan Edvard Sverdrup og bror til språkforskar Jakob Sverdrup d.y..

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 16.08.2011