Hopp til innhold
X
Innhald

Lerum satsar på Kaupangerskogen

Lerum-anlegget på Kaupangerskogen. Foto: Kjell Arvid Stølen, NRK.

Lerum-anlegget på Kaupangerskogen. Foto: Kjell Arvid Stølen, NRK.

I 1987 skipa Lerum selskapet Polytech som bygde eigen flaskefabrikk til 30 millionar kroner på Kaupangerskogen, og i 1993 kjøpte selskapet eit eige fraktefarty - «Gunvor Lerum» for transport av ferdigvare og returgods. Skipet vart selt etter kort tid, og konsernet har sidan i hovudsak satsa på trailertranport av produkta.

Med sterk støtte frå Statens Nærings- og Distriktsutbyggingsfond (SND) vart eit nytt stort produksjonanlegg for mineralvatn teke i bruk på Kaupangerskogen i 1995. Anlegget var på 17.000 kvardratmeter og kosta 200 millionar kroner. Det hadde kapasitet til å produsere 27.000 liter brus og 15.000 liter saft i timen.

Bjarne Lerum var teknisk leiar for prosjekt og drift, og ein annan bror, arkitekt Vidar Lerum fødd 1947, teikna anlegget. Anlegga på Kaupanger skapte 150 nye arbeidsplassar. Men i 2006 vart det kjent at Lerum måtte skjere mykje ned på brusproduksjonen, og redusere arbeidsstokken med tilsaman 30 årsverk ved anlegga på Kaupangerskogen og på Lærdalsøyri. Fabrikken i Fjøra vart modernisert i 1997. I 2003 er Lerums industriverksemd delt mellom selskapa Lerum Fabrikker AS og Lerum Konserves AS.

Syltetøyet blir laga på anlegget i Sogndalsfjøra. Foto: Kjell Arvid Stølen, NRK.

Syltetøyet blir laga på anlegget i Sogndalsfjøra. Foto: Kjell Arvid Stølen, NRK.

Les meir om Lerum-konsernet.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 12.08.2011