Hopp til innhold
X
Innhald

Munthe tok Årøy tilbake

Gerhard Chr. Munthe.

Gerhard Chr. Munthe.

Christopher Hartvig Munthe.

Christopher Hartvig Munthe.

Men i 1811 tok ein frå Munthe-slekta tilbake Årøy på odel. Det var Gerhard Christoffersen Munthe (fødd 1791-1878), som hadde vakse opp i Kroken. Nitter måtte etter dette flytte tilbake til Solvorn.
Munthe gifta seg med Sigrid Odnes, og eitt av dei sju borna deira var den kjende kunstmålaren Ludvig Munthe.

Den eldste guten i syskenflokken, Christoffer Hartvik Munthe (1838-1925) overtok Årøy. Han kalla seg «proprietær», slik det var vanleg at storbønder og rike skogeigarar titulerte seg på den tida. Det var han som på 1850-talet bygde det første klekkeriet i Årøy og frå 1867 tok til å leige bort laksefisket i Årøyelva til sportsfiskarar - sjå: Kjempelaksen i Årøy.

Då ungkaren Christoffer Hartvig Munthe døydde, var det ein son av kunstmålar-broren Ludvik Munthe, Christopher Caspar Andreas Munthe, som fekk Årøy. I tillegg til å vere bonde og skogbrukar, var han kunstmålar som faren. I 1935 bygde han nytt, stort klekkeri ved elva.

Sjå også: Munthe-garden i Årøy.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 29.08.2011