Hopp til innhold
X
Innhald

Nils J. Knagenhjelm

Privat foto.

Privat foto.

Nils Joachim Knagenhjelm (1920-2004) i Kaupanger. Skogeigar, motstandsmann og Høgre-politikar.

Milorg-basen i Sogndalsdalen

Nils J. Knagenhjelm stod sentralt i oppbygginga av Milorg-gruppa «Siskin» i Sogn i 1945 saman med Ragnar Ulstein og Hans H. H. Heiberg, og måtte røme saman med desse då Milorg vart opprulla i fylket i mars 1945 - sjå: Opprullinga av Milorg.

Kaupanger Hovedgård

Overtok Kaupanger Hovedgård i 1949, og gjennomførte straks frikjøp av husmennene slik at dei vart sjølveigarar av gardane sine. Saman med ektemaken Wibeke Knagenhjelm gjorde Nils J. Knagenhjelm ein stor innsats for å få restaurert Kaupanger stavkyrkje på 1960-talet.

Politisk engasjement

Ordførar i Sogndal 1968-1975. Gav i denne tida fri grunn på Haukåsen til bygging av Sogndal Lufthamn, opna i 1971. Han arbeidde også aktivt for å få lagt Sogn og Fjordane Distriktshøgskule (seinare Høgskulen i Sogn og Fjordane) til Sogndal. Medlem av fylkestinget 1969-1979 og medlem i fylkeslandbruksstyret i mange år.

Knagenhjelm spela ei sentral rolle i arbeidet for å få bygt sentralsjukehus i Førde, opna i 1979. I 1966 vart Nils J. Knagenhjelm intervjua i fjernsynet om utviklinga av Førde - sjå: Program 'Førde - et sentrum for Sogn og Fjordane'.

Utnemnd til riddar av 1. klasse av St. Olavs Orden 1986.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 17.08.2011