Hopp til innhold
X
Innhald

Nils Torbjørnson Ylvisaker

Nils Torbjørnson Ylvisaker (1832-1877) frå Fardal, busett i Sogndal og USA. Lærar og misjonsmann. Arbeidde som lærar og kyrkjesongar i heimbygda. Gjennom svigerfaren Herman Hundere og Eirik Vinjum på Hafslo fekk han kontakt med tilhengarane av Hans Nielsen Hauge, haugianarane, i Sogn. Ved sida av Svanøy i Sunnfjord, hadde desse her i fylket sitt sterkaste feste i Luster-bygdene.

I 1855 fekk Ylvisaker skipa Sogndals missionsforening, som fekk 87 medlemer frå starten. Han reiste også vide omkring som emissær.

Vart tilsett i Det norske misjonsselskap i 1861, flytta til Trondheim og kjøpte seg gard like ved byen. I 1868 reiste han til Amerika og vart prest i Den norske synode i Red Wing, Minnesota.

Bror til Johannes Torbjørnson Ylvisåker.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 25.03.2008