Prestesonen Martin Luther Storm frå Arendal var ein av dei første agronomstudentane då Norges Landbrukshøgskole starta på Ås i 1859. Etter eksamen, reiste han til Sogndal, der han starta ein privat landbruksskule for bondeungdom i 1870. Skulen heldt til i det tidlegare sorenskrivarhuset på Loftesnes (sjå: Sorenskrivargarden på Loftesnes).

Då Jakob Liv Rosted Sverdrup i 1871 valde å realisere planane sine om ein kristeleg folkehøgskule og starta Sogndal folkehøgskule, tilbaud Storm at dei to skulane vart slegne saman. Sverdrup gjekk med på dette, og i eitt år dreiv dei skulen i lag. Men så rauk dei uklar om kven som skule vere styrar.

Flytta til Mo

Storm kutta banda med folkehøgskulen og freista ei tid å drive jordbruksskulen sin vidare på garden Bjedla. Då fylket om lag samstundes vedtok å leggje ned Mo Jordbruksskule i Førde som det hadde drive sidan 1856, tilbaud Storm seg å pakte Mo-garden og drive skulen privat. Det gjorde han frå 1873 til 1907, då fylket igjen tok over drifta av Mo jordbruksskule.

Loftesnes gard, der Storm starta landbruksskule. Foto: Kjell Arvid Stølen, NRK.