Hopp til innhold
X
Innhald

Bernhard Andreas Færøyvik

Bernhard Andreas Færøyvik (1886-1950) frå Færøy, busett i Bergen. Lærar og muséumskonservator. Lærareksamen frå Volda lærarskule og underoffiserskule.

Heilt frå ungdomsåra tok han til å samle materiale om kystkultur og gamle båtar, og frå 1925 fekk han årlege stipend for å kunne drive registreringsarbeid. Færøyvik vart konservator i Norske Muséers Lansfordbund i 1947 og arbeidde mykje som rådgjevar for muséa si innsamling av sjøbruksminne. I 1950 var han på ei granskingsferd til Shetland.

Han spela ei sentral rolle i skipinga av Hordamuséet og skaffa Norsk Sjøfartsmuséum på Bygdøy ei stor samling båtar.

I 1939 var han redaktør for ”Fiskarsoga for Sogn og Fjordane” og skreiv sjølv bolken om båttypane. Færøyvik etterlet seg tre store avhandlingar om norske båtar og fleire hundre båtteikningar.

Sonen Øystein Færøyvik baserte seg på faren sine arbeid då han skreiv boka ”Vestlandsbåtar – frå oselvar til sunnmørsåttring”.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.


Sist oppdatert: 11.01.2010