Hopp til innhold
X
Innhald

Motstandsreiret Hjønnevåg

Hjønnevåg. Foto: Kjell Arvid Stølen, NRK.

Hjønnevåg. Foto: Kjell Arvid Stølen, NRK.

Alt det første krigssommaren 1940 vart Anton Hjønnevåg og sonen Martinus dregne inn i farlege oppdrag for motstandsrørsla då dei tok imot og skyssa norske agentar og utstyr. Noko av utstyret var frakta til handelsmann Nils Knutsen i Kilstraumen. Dei var også inn i Masfjorden med agentar og utstyr.

Nokre månader seinare vart agentrutene mot Solund opprulla mot Kilstraumen og Nils Knutsen. Ein sentral mann i transporten dit hadde vore skipper Ivar Duesund frå Masfjorden i Hordland. I februar 1941 slo Gestapo til mot Anton og Martinus Hjønnevåg. Dei vart forhøyrde på Gestapohuset i Bergen, men slapp fri. Ivar Duesund vart dømd av tysk krigsrett og avretta 22. oktober 1941. Andre fekk lange fengselstraffer.

I 1943 kom tre kommandosoldatar til Hjønnevåg. Dei hadde utført åtak med miniubåtar på hamna i Bergen og hadde vore på røming frå tyskarane i månadsvis. Fleire forsøk på å kome seg vestover hadde slege feil. Fleire ungdomar frå Hjønnevåg med Johan L. Hjønnevåg i spissen fekk båten og rømlingane til Storsundet, der dei tok i land radiosendar og anna utstyr og søkte båten i havet.

Rømlingane vart innlosjerte i ei laksehytte, der dei var trygge til dei kunne hentast til Shetland. Like etter kom 14 mann frå same Bergens-gruppa til Hjønnevåg, og vart i februar 1944 henta av Shetlands-bussane.

Storsundet, dit Johan L. Hjønnevåg drog med kommandosoldatane.

Storsundet, dit Johan L. Hjønnevåg drog med kommandosoldatane.

Les meir om krigshistoria i Solund.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 01.11.2011