Hopp til innhold
X
Innhald

Sjølaksefisket i Solund

Ola Færøvik (t.v.) og Herman Færøvik med båten full av laksenøter ved Hamneholmen, truleg på slutten av 1930-talet. Ukjend fotograf, eigar Marie Henriette Ytrøy/Fylkesarkivet i Sogn og Fjordane.

Ola Færøvik (t.v.) og Herman Færøvik med båten full av laksenøter ved Hamneholmen, truleg på slutten av 1930-talet. Ukjend fotograf, eigar Marie Henriette Ytrøy/Fylkesarkivet i Sogn og Fjordane.

I Solund møter laksen, som søkjer mot elvane inne i Sognefjorden, for første gong land etter vandringa i storhavet. Laksefisket med sitjenot og kilenot, og seinare drivgarn, har difor vore ei verdfull inntektskjelde i mange hundre år, og Solund er den største kommunen for sjølaksefiske i Sogn.
Alt på 1600-talet er det registrert sitjenøter i Hjønnevåg og andre stader. Dei første fredingsføresegnene for laks vart innførde i 1848, med sesongfreding 14. september - 14. februar, og helgafreding i fisketida.

God fangst med kilenøter

Det kom eit sterkt oppsving i sjølaksefisket då dei første kilenøtene vart tekne i bruk kring 1840, og frå ca. 1860 vert laks ei viktig eksportvare til England. Mange fiskekjøparar både i Solund og nabokommunane langs kysten dreiv sjølve eksport av isa, fersk laks til England i denne tida. - Fiske med laksenot var ikkje fårefritt. I 1924 drukna Johannes Gildrenes då han fylgde med til sjøs under arbeidet med å setje ut ilesteinar. 1957 var det registrert 100 laksenøter i Solund kommune, i Hyllestad 87. På 1970- og 1980-talet hadde Solund ein stor sjarkflåte som dreiv drivgarnsfiske etter laks. Midt på 1980-talet vart det sett forbod mot dette fisket i norske farvatn.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 29.06.2010