Jostein Flo er ein norsk tidlegare fotballspelar, spiss, seinare sportssjef i Strømsgodset.
Jostein Flo
Faktaboks
Jostein Flo
- Fødd
- 3. oktober 1964
Jostein Flo var sentral på det norske herrelandslaget i fotball under stordomstida på 1990-talet, særleg som mottakar av den berømte «Flo-pasningen» som landslagstrenar Egil Olsen baserte den effektive gjennombrotsstilen sin på. Her er Flo i aksjon under VM-kvalifiseringskampen mot Sveits på Ullevaal Stadion 10. september 1997, der Noreg vann 5–0.
Fakta
- A-landskampar: 53 landskampar (1987–2000). Tal på mål: 11
- Klubbar: Stryn, Molde, Lierse (Belgia), Sogndal, Sheffield United (England) og Strømsgodset. Ungdomsklubb: Stryn
Spelestil
Flo var ein høgreist kraftspiss med god spenst som skåra mange mål med hovudet og som fekk ein pasning kalla opp etter seg, flopasning.
Karriere
Flo spelte ei sentral rolle då Noreg kvalifiserte seg til VM-sluttspela i 1994 og 1998. På landslaget vart han av Drillo vanlegvis plassert på kanten for å heade diagonalpasningar frå back på motsett side inn i feltet, noko som fekk tilnamnet flopasning.
Jostein Flo er bror til Tore André Flo og fetter til Håvard Flo.
Etter karrieren, frå 2004, har Flo mellom anna vore dagleg leiar og seinare sportssjef i Strømsgodset.
Merittar på landslaget
Flo spelte alle dei tre kampane i sluttspelet i USA i 1994 og var innbytar i den siste kampen under VM i Frankrike i 1998, der Noreg slo Brasil 2–1 og tok seg til åttedelsfinale. I åttedelsfinalen tapte Noreg 0–1 for Italia.
Personlege merittar
Flo vart kåra til Årets spelar av dei norske sportsjournalistane i 1993 og kåra til Årets spiss på VG-børsen i 1997 og 1998. Som ung var han også ein habil høgdehoppar med personleg rekord på 2,07.
Les meir i Store norske leksikon
Litteratur
- Inge Fænn: Flo united: et norsk fotballeventyr om fotballfamilien Flo.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.