Hopp til innhold
X
Innhald

Lars Nilsson Sølvberg

Lars Nilsson Sølvberg (1861-1910) frå Sølvberg, busett i Utvik. Byggmeister og arkitekt.Utdanna seg til bygningsteknikar ved Bergens tekniske skole. Starta deretter som byggmeister, og hadde eige sagbruk og høvleri i Utvik.

Kyrkjebyggar

Sølvberg gjorde seg kjend i heile Nordfjord som kyrkjebyggjar, og har teikna og bygt Midtgulen kyrkje i Bremanger i 1904 (sjå Kyrkjer i Bremanger). Han teikna Måløy kyrkje som stod ferdig i 1907 og Totland kyrkje ved Bryggja. (Sjå Kyrkjer i Vågsøy.) Han stod også føre utviding av Leikanger kyrkje på Stadlandet i 1895, restaurering av Innvik kyrkje i 1899, restaureringa av Innvik gamle prestegard i 1900, og ombygging av Utvik kyrkje i 1902.

Han har dessutan teikna og bygt den kjende villaen til børsemakar Myklebust i Eidsgata på Nordfjordeid i 1905, «lakselordvillaen» på Lysvoll i Stryn, Hotell Britannia i Utvik, gamlebygget til Gloppen Sparebank i 1893, og han innreia også den kjende «Kong Oscar-salen» på Hotell Central på Visnes (sjå Tendens Hotell og Central Hotell).

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 14.01.2010