Hopp til innhold
X
Innhald

Tre alpinanlegg

Skientusiastar frå fleire land kjem til Tystigen og sommarskisenteret. Foto: NRK.

Skientusiastar frå fleire land kjem til Tystigen og sommarskisenteret. Foto: NRK.

Stryn kommune har satsa meir enn mange kommunar på idrettsanlegg: I 1963 bygde utvikarane saman med breimingar alpintrekk på Utvik-fjellet. I 1982 kom Stryn Skisenter ved Stryn sentrum (selskapet skipa 1972). I 1972 opna Stryn Sommarskisenter på Tystigen på Strynefjellet. Anlegget har hatt stolheis frå 1986.

I 1990 fekk ei Oslo-jente skadar etter at ho fall ned i ein bresprekk. Ho skulda Stryn Sommarski AS for dårleg sikring og gjekk til sak, og vart av Høgsterett tilkjent 1,6 millionar kroner i erstatning. Skisenteret hadde ikkje råd til å betale, og slo seg sjølv konkurs i januar 2002. Anlegget på Tystigen vert drive vidare av lokale interessentar.

På Strynefjellet hadde det heilt sidan 1971 vore alpinsamlingar, der ein brukte eit enklare tautrekk før det store anlegget kom.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 26.01.2009