Hopp til innhold
X
Innhald

Arnt & Simon Midtgaard

Arnt & Simon Midtgaard vart grunnlagt i 1926 av brørne Arnt og Simon Midtgaard. Simon Midtgaard hadde tidlegare vore butikkstyrar for Ola Brunsvik (sjå Brunsviks Eftf.), han fekk tilbod om å ta over denne forretninga, men valde i staden å satse på eiga hand saman med broren Arnt. Arnt hadde fram til då arbeidd som bødtker (tønnemakar).

I stranda på heimegarden på Midtgård bygde Arnt og Simon sjøbu der dei dreiv mottak av sild og fisk. Ved Gate 1 bygde dei landhandel og skipshandel. I dei gode sildeåra like etter krigen var Midtgaard-brørne dei første i Måløy som bygde fiskebud og fryseri i betong. I desse åra hadde firmaet fleire fiskebåtar i drift; ein av dei var den kjende «Skårning».

Firmaet hadde formjølfabrikk i Skårstranda mellom Måløy og Raudeberg, og spesialiserte seg m.a. på formjøl til pelsdyr. Sjøbua i Måløy er no overteken av Domstein-gruppa og ombygd som hovudsete for administrasjonen deira.

Den tidlegare sjøbua til Arnt & Simon Midtgaard er bygd om til administrasjonsbygg for Domstein-konsernet. Foto: Arild Nybø, NRK.

Den tidlegare sjøbua til Arnt & Simon Midtgaard er bygd om til administrasjonsbygg for Domstein-konsernet. Foto: Arild Nybø, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 09.04.2010