Hopp til innhold
X
Innhald

Botolv Hov

Botolv Hov med kona Kjellaug.

Botolv Hov med kona Kjellaug.

Botolv Hov fødd 1922 i Fresvik, busett på Styvi i Nærøyfjorden. Industrigründer og Arbeidarparti-politikar. Var medskipar av Fresvik Bærlag i 1956, og bygde privat fryseri for bær i 1957. Starta Fresvik Produkt AS i 1980 for å produsere element for kjøleromsveggar. Fresvik Produkt utvikla seg til ei suksessverksemd med 50 tilsette og ei omsetning på kring 50 millionar kroner i 2001.

Hov sat i Leikanger kommunestyre i to periodar, ein av dei i formannskapet. Etter at han flytta til Styvi, sat han ein periode i Aurland kommunestyre.

I tillegg har han hatt fleire andre tillitsverv i begge kommunar. I 1993 opna han og ektemaken Kjellaug gardsmuseum og starta gardsturisme på Styvi (Sjå artikkelen Gardsturisme på Styvi under Aurland kommune). Gav i 2006 ut historieboka «Styvi i Nærøyfjorden» (Skald forlag). Tildelt Kongens fortenestemedalje i sølv.

Botolv Hov på geitostfestivalen i Undredal i 2011. Foto: Anna Karine Marstein.

Botolv Hov på geitostfestivalen i Undredal i 2011. Foto: Anna Karine Marstein.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 02.08.2011