Hopp til innhold
X
Innhald

Dei første adelsættene i Fresvik

Fresvik sett frå Mulakamben. © Sognafoto.

Fresvik sett frå Mulakamben. © Sognafoto.

Dei første adelsættene som har rådd over dei store eigedomane i Fresvik, kan vere Galtungs- og Rustungsættene. Frå siste halvdel av 1500-talet til innpå 1600-talet høyrde "godset" til lendermannsætta Dal som budde på Fimreite (sjå " Historia i Sogndal").

Dal-ætta eigde svært mykje gods i Sogn og elles vide ikring. Men Dal-ætta fekk ikkje halde på adelskapet sitt, og eigedomane i Fresvik var ei tid skift på fleire i slekta.

Eit stykke ut på 1600-talet tok prestar i Leikanger til å samle godset i Fresvik att. Den første var sunnmøringen Erik Ivarsson Norddalen, prest i Leikanger 1618-1658, og prost i Sogn frå 1637. Over lang tid dreiv han oppkjøp og samla godset. I hans tid var det kome sagbruk i Fresvik, og det var tingstad i bygda. Då han døydde, vart godset igjen delt mellom enkja og åtte born. Enkja fekk mest.

Les meir:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 25.04.2012