Hopp til innhold
X
Innhald

Fresvik Produkt AS

Fresvik Produkt. Foto: Ottar Starheim, NRK.

Fresvik Produkt. Foto: Ottar Starheim, NRK.

Fresvik Produkt AS vart starta i 1980 av Botolv Hov. Verksemda har gjort stor suksess med produksjon av isolasjonslement til kjølerom. Fabrikken har m.a. industri, storkjøkken og oljeverksemda i Nordsjøen som kundar.

Botolv Hov var bærdyrkar, og bygde i 1958 sitt eige private fryseri. Bæra selde han til Mor Monsen-fabrikken i Bergen. Gjennom denne verksemda fekk han interessa for å starte produksjon av isolasjonselement til kjølerom. Han produserte først på lisens frå eit engelsk selskap, men braut etter ei tid og dreiv vidare etter eigne konsept.

Verksemda i Fresvik har hatt stor omsetning og svært god lønsemd. Den starta med fire tilsette, og har utvida i fleire etappar. I 2002 har verksemda eit produksjonsareal på kring 10.000 kvadratmeter, 50 tilsette og ei årsomsetning på kring 50 millionar kroner.

Hausten 1989 gjorde ein flaum i Fresvikelvi stor skade på fabrikken, samstundes som idrettsbana lengre oppe i bygda vart mykje øydelagd.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 09.06.2011