Hopp til innhold
X
Innhald

Mons Thorsen - bakeri og daglegvare

Mons Thorsen (nærast) og Ingvald Jensen i det gamle Foreningsbakeriet, der Thorsen arbeidde før han starta sitt eige bakeri i 1926. Foto: O. P. Fosse. Eigar: Vik lokalhistoriske arkiv.

Mons Thorsen (nærast) og Ingvald Jensen i det gamle Foreningsbakeriet, der Thorsen arbeidde før han starta sitt eige bakeri i 1926. Foto: O. P. Fosse. Eigar: Vik lokalhistoriske arkiv.

Mons Thorsen starta bakeri i Vik i 1926. Han kjøpte ”Wangehuset” i 1928 og starta også vanleg landhandel i første og kafé i andre etasje. Dei såkalla «bonde-tebrøda» frå Thorsen Dampbakeri var etterspurd vare i heile Sogn, og han hadde mange tilsette.

Etter handelsutdanning starta Thorsen landhandel, først i bygget til Johs. Hove AS , og frå 1928 i eige bygg, då han kjøpte «Vangehuset». Han bygde på og hadde kafé i andre høgda. I 1950 kjøpte han det over 100 år gamle Hopstock Hotell, og sette systera Malene Thorsen til å drive det. I 1956 bygde han det første motellet i Noreg like ved Hopstock Hotell.

I 1983 vart daglegvarehandel og bakeri selt til Åge Helleland, som i 1989 gjekk inn i FM-kjeden og flytta til Vikjatunet under namnet Vik Daglegvare. Han starta også konditori. Seinare gjekk forretninga inn i RIMI-kjeden.

Mons Thorsen (nr. 2 frå venstre) med bilen sin, ein Cadillac. Mannen lengst til venstre er John B. Hove, til høgre står Knut Holen. Ukjend fotograf. Eigar: Reidar Hove/Fylkesarkivet i Sogn og Fjordane.

Mons Thorsen (nr. 2 frå venstre) med bilen sin, ein Cadillac. Mannen lengst til venstre er John B. Hove, til høgre står Knut Holen. Ukjend fotograf. Eigar: Reidar Hove/Fylkesarkivet i Sogn og Fjordane.

RIMI Vik held til i Vikjatunet. Foto: Ottar Starheim, NRK.

RIMI Vik held til i Vikjatunet. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 08.06.2011