Hopp til innhold
X
Innhald

Oppdrettsanlegg i Vik

Joto smoltoppdrett vart starta i Belehagen i Arnafjorden i 1986. Det lokale initiativet kom frå Jon Nese og Tore Røyrvik, men Vik kommune gjekk imot etableringa.

Etter at dei to hadde fått med Bergesen-reiarlaget som medeigarar med 75 prosent, kom anlegget i gang. Ei tid vart det lova opptil 40 arbeidsplassar ved anlegget, men overetablering førde til prisras og massekonkursar i bransjen kring 1990. Også Joto fekk økonomiske vanskar. Etter fleire eigarskifte, overtok Aqua Farms Herand i 2001.

Sognesmolt

var eit anna smoltoppdrett som vart starta i Vik omlag samstundes, men gjekk konkurs etter kort tid. Sognesmolt var eigd av ei gruppe i Vik, og heldt til i eit av dei kommunale industribygga på Vikøyri.

Fjord Aker

har oppdrettsanlegg for blåskjel i Arnafjorden. Produksjonsanlegget ligg i Gulen.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 18.06.2008