Hopp til innhold
X
Innhald

Sjefsgarden frå Fresvik hamna i Førde

Bautaen i Fresvik til minne om krigen 1807-1814.

Bautaen i Fresvik til minne om krigen 1807-1814.

I Fresvik var det frå 1700-talet kompanieksersisplass. Eksersisplassen for Tjugumske Kompani låg på garden Høgheim.

På Skau i Fresvik - sjå Fresvik-godset - budde kompanisjefen i Sogn frå 1854 i eit drusteleg, to-etasjes hus med halvvalma tak.

Mo Jordbruksskule som den første i fylket vart starta i 1858, såg ein seg om etter eit høveleg skulehus. Fylket fann det i Fresvik. Det var den gamle «sjef-garden» for kompanisjefen.

Huset vart lemma ned og frakta med båt til Førde. Det tente som elevinternat og styrarbustad på Mo, og vart rive i 1970. I Fresvik bygde det militære også eit «telthus» i 1776 - dvs. ein lagerhus for militære effektar.

Krigsbauta i Fresvik

Ved kyrkja i Fresvik vart det i 1913 reist ein bautastein over 10 soldatar frå Fresvik som var med i krigen mot svenskane 1807-1814.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 21.07.2011