Hopp til innhold
X
Innhald

Fjordingen

Avisa heitte det første året «Innfjordingen», men etter ein konkurs stod den oppatt som «Fjordingen» i 1929.

«Fjordingen» vart grunnlagd i 1928 av bergensarane Nils Hertzberg og Finn Larsen saman med boktrykkjar Torleif Bergmann. Hertzberg vart redaktør og Larsen forretningsførar i avisa.

Avisa heitte det første året «Innfjordingen», men etter ein konkurs stod den oppatt som «Fjordingen» i 1929.

Torleif Bergmann stod oppført som redaktør dei første åra etter 1929, men i praksis var det Ingemunn Fænn som redigerte avisa fram til 1936. Frå 1942 til krigsslutt låg avisdrifta nede. Etter initiativ frå Erling Bø og Ludvig Bergh starta ein på nytt i 1945.

I dette huset heldt Fjordingen til dei første åra. Foto: Ottar Starheim, NRK.

I dette huset heldt Fjordingen til dei første åra. Foto: Ottar Starheim, NRK.

Avisa vart i 2003 kjøpt opp av Sunnmørsposten og Orkla Media, som også eig Fjordenes Tidende i Måløy.

Fjordingen vart på 1990-talet overteke av Orkla Media, som i 2006 vart seld til det britiske mediekonsernet Mecom. I 2009 overtok mediekonsernet Polaris Media som eigarar av nordfjordavisene Fjordenes Tidende og Fjordingen.

I 2010 held Fjordingen til i dette forretningsbygget. Foto: Ottar Starheim, NRK.

I 2010 held Fjordingen til i dette forretningsbygget. Foto: Ottar Starheim, NRK.

Sidan 2005 har Radio Stryn vore fullt ut eigd av Fjordingen.

Redaktørar etter krigen:

  • Erling Bø
  • Audun Aarheim
  • Paul Svarstad
  • Ingvar Svarstad
  • Martin Lilleheim (i 35 år)
  • Harald Vartdal
  • Inge Fænn
  • Bengt Flaten.
Trykkeriet i Stryn har også trykking av to andre lokalaviser: Fjordabladet (Eid) og Fjuken (Skjåk).

Bengt Flaten. Foto: NRK.

Bengt Flaten. Foto: NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 01.03.2011