Faktaboks

Bente Bratlund

Bente Bratlund Mæland

Fødd
12. mars 1952, Bergen
Bente Bratlund
Bente Bratlund.
Av /Samlaget.

Bente Bratlund er ein norsk forfattar. Ho skriv først og fremst barne- og ungdomslitteratur. Ho har ein omfattande og allsidig produksjon med meir enn 40 bøker i ulike sjangrar.

Bakgrunn

Bente Bratlund tok lærarutdanning ved Stord lærarskule (1971–74) og dramautdanning i Bergen (1977). Ho har arbeidd som lærar på Nore Neset skole (1974–1986) og eitt år som journalist i lokalavisa Midhordland. Frå 1992 har ho vore forfattar på heiltid. Ho har òg teke rettleiarutdanning og arbeidd som rettleiar ved Høgskolen i Bergen og på Haukeland universitetssjukehus.

Forfattarskap

Bratlund debuterte i 1977 med diktsamlinga Lukkeleg båt. I 1982 kom den første ungdomsboka, Kvifor, Pål?, og Når det blør (1989) var den første romanen. Bratlund skriv om dei nære tinga, om menneske som møtest, glede, men òg om sjukdom, smerte og svik. I 2010 kom Besatt av demoner. Boka handlar om Bratlund som ei tid i ungdommen høyrde til ein kristen kyrkjelyd som dreiv med demonutdriving.

Bratlund held skrivekurs, reiser rundt med opplesingsprogram og vitjar skular. Dei fleste barne- og ungdomsbøkene er omsette til dansk, nokre også til svensk. Ho har òg gitt ut bøker under namnet Bente Bratlund Mæland (Mæland-namnet er frå det første ekteskapet).

Utgivingar

  • Kidnappa (Barnebok, Samlaget, 2018)
  • Ver stille hjarte (Lyrikk, Epiphany Bøker, 2018)
  • Kvar er Lurven? (Barnebok, Samlaget, 2018)
  • Svikta! (Barnebok, Mangschou forlag, 2017)
  • Her er eg no. 40 år 40 dikt (Lyrikk, Epiphany Bøker, 2017)
  • Feriefiasko (Barnebok, Samlaget, 2016)
  • Frå min veranda. Facebookdikt (Lyrikk, Epiphany Bøker, 2015)
  • Alt kjekt kan skje (Ungdomsbok, Mangschou forlag, 2014)
  • Fra livets minnebok (Lyrikk, Epiphany Bøker, 2014)
  • Opne portar (Lyrikk, Epiphany Bøker, 2014)
  • Prestens hus (Roman, Margbok, 2014)
  • Den einaste som veit (Barnebok, Mangschou forlag, 2013)
  • På livsvegen (Lyrikk, Epiphany Bøker, 2013)
  • Surare enn sitron; hemmeleg gjest (Barnebok, Mangschou forlag, 2013)
  • Du lærte meg kjærlighet (Lyrikk, Epiphany Bøker, 2012)
  • Plukka gleder (Lyrikk, Epiphany Bøker, 2012)
  • Berre venner ; Listig plan (Barnebok, Mangschou forlag, 2012)
  • Livet er så nært (Lyrikk, 2011)
  • Bebe (Barnebok, Mangschou forlag, 2011)
  • Operasjon hemmeleg / Slange i paradis (Barnebok, Mangschou forlag, 2011)
  • Svart fugl (Ungdomsbok, Lettlest forlag, 2010)
  • Mons Marius er ei løve (Barnebok, Mangschou forlag, 2010)
  • Eg er her (Barnebok, Mangschou forlag, 2009)
  • Eg spør!/Eg tør? (Barnebok, Mangschou forlag, 2008)
  • Kvar er Lurven? (Barnebok, Samlaget, 2006)
  • Heilt passeleg vill (Barnebok, Samlaget, 2005)
  • Kanskje måndag kveld (som Bente B. Mæland) (Barnebok, Samlaget, 2004)
  • Ei stjerne i hjarta (som Bente B. Mæland) (Barnebok, Samlaget, 2003)
  • Tid er det nok av (som Bente B. Mæland) (Barnebok, Samlaget, 2002)
  • Ikkje eit ord (som Bente B. Mæland) (Barnebok, Samlaget, 2001)
  • Sviket (som Bente B. Mæland) (Ungdomsbok, Samlaget, 1999)
  • Elsk meg bort, elsk meg heim. (som Bente B. Mæland) (Roman, Samlaget, 1997)
  • Vennskapsprøven (som Bente B. Mæland) (Ungdomsbok, 1997)
  • Liv (som Bente B. Mæland) (Ungdomsbok, 1995)
  • Barnet (som Bente B. Mæland) (Roman, 1995)
  • Nei, ikkje Lasse (som Bente B. Mæland) (Ungdomsbok, 1993)
  • Porselenshunden (som Bente B. Mæland) (Roman, 1992)
  • Restar av eit liv (som Bente B. Mæland) (Roman, 1991)
  • Spring, Marit! (som Bente B. Mæland) (Ungdomsbok, 1990)
  • Når det blør (som Bente B. Mæland) (Roman, 1989)
  • Likevel (som Bente B. Mæland) (Ungdomsbok, 1987)
  • Martins opprør (som Bente B. Mæland) (Ungdomsbok, 1986)
  • Naken mot lyset (som Bente B. Mæland) (Lyrikk, 1986)
  • Morten på leit (som Bente B. Mæland) (Ungdomsbok, 1985)
  • Dei kallar meg kvisa (som Bente B. Mæland) (Ungdomsbok, 1984)
  • Lengt (som Bente B. Mæland) (Lyrikk, 1983)
  • Alltid ein Kristian (som Bente B. Mæland) (Ungdomsbok, 1983)
  • Kvifor, Pål? (som Bente B. Mæland) (Ungdomsbok, 1982)
  • Lukkelege båt. (som Bente B. Mæland) (Lyrikk, 1977)

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg