Gudlaug Nedrelid er professor emerita i nordisk språkvitskap ved Universitetet i Agder. Ho har særleg arbeidd med namnegransking, norrønt og færøysk.
Gudlaug Nedrelid
Gudlaug Nedrelid
Bakgrunn
Nedrelid har allsidig utdannings- og yrkesbakgrunn. Før ho tok til med høgare utdanning, gjennomførte ho handelsskule og husmorskule og arbeidde som budeie, kyrkjegardsarbeidar, arkivar og bibliotekmedarbeidar. I 1985 tok ho historisk-filosofisk embetseksamen ved Universitetet i Bergen med hovudfag i nordisk. Ho disputerte for doktorgraden i 1999. Både hovudfagsoppgåva og dokoravhandlinga hennar dreier seg om personnavn, hovudfagsavhandlinga om fornamn, doktoravhandlinga om etternamn.
Nedrelid har arbeidd ved Universitetet i Bergen som stipendiat (1989–92) og ved Universitetet i Åbo i Finland. Sidan 1992 har ho vore tilsett ved Universitetet i Agder, først som førsteamanuensis, seinare som professor.
Utgivingar
Nedrelid har ein etter måten omfattande forskingsproduksjon bak seg. Den starta alt i studietida hennar. Det meste handlar om namn, personnavn først og fremst, inkludert utnavn og kallenavn, men også namn på husdyr. Ho har også arbeidd noko med stadnamn. Ho har dessutan skrive om ymse sider ved sin eigen dialekt, jostedalsmålet.
Dei faglege arbeida til Nedrelid reflekterer ei sterk kulturhistorisk interesse, m.a. interesse for færøysk språk og kultur.
Ho har omsett fornaldersoga Soga om Egil Einhendte og Åsmund Berserksbane. Tåtten om Norne-Gjest i 1989. Saman med Turið Sigurðardóttir og Idar Stegane har ho redigert ein antologi med færøyske noveller, Fyrste ferda bort (1993). Ho skriv også lyrikk, og i 1992 gav ho ut diktsamlinga I ulvekjeften.
Les meir i Store norske leksikon
Eksterne lenker
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.