Hopp til innhold
Olav Øysteinson Sande. Fotokjelde: Fylkesleksikon for Sogn og Fjordane.
Olav Øysteinson Sande. Fotokjelde: Fylkesleksikon for Sogn og Fjordane.
X
Innhald

Olav Øysteinson Sande

Olav Øysteinson Sande.

Olav Øysteinson Sande.

Olav Øysteinson Sande (1850-1927) frå Sande på Høyanger sørside. Han budde mesteparten av livet sitt i Leikanger. Lærar, målmann og samlar av folketonar og folkeminne. Gjekk på lærarskulen i Balestrand (sjå Balestrand kommune) i 1871.

Frå 1899 til kring 1923 samla Sande inn over 3000 folketonar for Norsk Folkemusikksamling i Oslo, frå Sunnfjord i nord til Agder i sør. Dette skal vere det største samlararbeidet som er gjort i Noreg, nest etter folketonesamlingane etter Arne Bjørndal.

I tillegg til samlararbeidet komponerte Sande også eigne melodiar. Olav Sande var medskipar av "Firda og Sygnafylkets avis" i Bergen. Han skreiv dei første bibelsogene på nynorsk, som kom ut i 1895.

I 1994 vart det reist minnestein over Sande på heimegarden hans, Instevik.

Minnesteinen over Olav Sande. Foto: Ottar Starheim, NRK.

Minnesteinen over Olav Sande. Foto: Ottar Starheim, NRK.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 

Først publisert: 28.10.2020
Sist oppdatert: 28.04.2021