Hopp til innhold
X
Innhald

Peder Pavels Aabel

Peder Pavels Aabel (1795-1869) fødd i Aurland, busett i Sogndal. Prest og folkeopplysningsmann. Han var son av sokneprest Ole Jensen Aabel (1757–1852) i Aurland og var sokneprest i Sogndal 1824–1833.

I tida i Sogndal fekk han m.a. skipa «Læseselskab for Indre Sogns mer dannede Familier», og var elles skipar av Sogndals Sogneselskab (1831) og Almueboksamling. Alt i 1831 fekk han gjennom Sogndal Sokneselskap sogndølene til å dyrke importerte kornsortar som t.d. hardfør himalayabygg, og fekk same året tilsett Elling Rasmussen Aaberge som den første jordbrukslæraren i Sogn og Fjordane.

Aaberge arbeidde som omreisande vandrelærar i jordbruk på gardane i Sogndal frå 1832 til 1834. Kring 1830 skipa han til den første 17. mai-feiringa i Sogndal, og oppmoda då bygdefolket om å stille til festen i bunad.

Han flytta seinare til Land, og var m.a. far til distriktslege og forfattar Andreas Aabel, som var far til skodespelar Hauk Aabel og farfar til skodespelaren Per Aabel.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 20.02.2009