Faktaboks

Tore Ulstein
Fødd
21. desember 1967, Ulsteinvik
Tore Ulstein, 2015
Av .
Lisens: CC BY NC ND 2.0

Tore Ulstein er ein doktoringeniør, styreleiar og visekonsernsjef i Ulstein Group og tidlegare president og styreleiar i Næringslivets Hovudorganisasjon (NHO).

Tore Ulstein studerte til sivilingeniør ved Norges tekniske høgskole (nå NTNU) i 1986–1991 og skreiv diplomoppgåva ved Massachusetts Institute of Technology i USA. Ulstein tok doktorgrad i hydrodynamikk ved NTH i 1995, med ei avhandling om vibrasjonar i hurtiggåande fartøy. Han arbeidde ved NTNU som førsteamanuensis II, deretter som doktoringeniør ved Marintek AS, og han har hatt leiarstillingar i Ulstein-konsernet sidan 1999.

Det maritime familiekonsernet Ulstein blei etablert i 1917. Konsernet har vore igjennom nødvendige omstruktureringar, og Tore Ulstein har spela ei viktig rolle i utviklinga og endringane i norsk skipsindustri. Han er oppteken av innovasjon og verdiskaping, konkurransekrafta til norske bedrifter, kompetent arbeidskraft, berekraftig lønnsnivå og eit meir fleksibelt arbeidsliv.

Ulstein har hatt ei rekkje styreverv, mellom anna er han styreleiar i Ulstein Group og Ulstein Shipping (frå 2011), og han var president og styreleiar i NHO 2013–2017.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg