Hopp til innhold
X
Innhald

AKP (m-l) og Raud Valallianse (RV)

Einar Rysjedal var den første leiaren AKP (m-l) i Sogn og Fjordane. Foto: NRK.

Arbeidernes Kommunistparti (marxist-leninistane), forkorta til AKP (m – l), vart offisielt skipa i 1973, men var i røynda i arbeid frå 1972. AKP (m-l-) hadde utspringet sitt i Sosialistisk Ungdomsforbund (SUF) som på slutten av 1960-talet braut med ”moderpartiet” Sosialistisk Folkeparti. AKP (m-l) vart kjend for stort hemmeleghald om eigen organisasjon og for sympatiar med kommunistregima m.a. i Kina, Nord-Vietnam, Kambodsja og Albania, og med front mot Sovjet-regimet. Einar Rysjedal, Høyanger, vart første leiar i fylkespartiet i Sogn og Fjordane.

Einar Rysjedal var den første leiaren AKP (m-l) i Sogn og Fjordane. Foto: NRK.

Einar Rysjedal var den første leiaren AKP (m-l) i Sogn og Fjordane. Foto: NRK.

Geir Oldeide var første fylkestingsrepresentanten. Foto: Kristin Oldeide.

Geir Oldeide var første fylkestingsrepresentanten. Foto: Kristin Oldeide.

Raud Valallianse (RV)

vart skipa i 1973 etter at AKP (m-l-) vart utestengt frå valsamarbeidet i Sosialistisk Valforbund. Dei første 18 åra var RV ein allianse mellom Arbeidernes Kommunistparti (marxist-leninistane) og uavhengige sosialistar, men vedtok på landsmøtet i 1991 å verte ein sjølvstendig organisasjon.

Geir Oldeide frå Vågsøy var den første frå RV som vart vald inn i Sogn og Fjordane fylkesting i 1987.

Raudt

I 2007 vedtok AKP, RV og Rød Ungdom å gå saman i det nye partiet Rødt (Raudt). Vedtaket vart gjort med 128 mot 71 røyster.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 09.02.2015