Hopp til innhold
X
Innhald

Amtmannen på Lærdalsøyri

Nordre Bergenhus Amt - frå 1919 Sogn og Fjordane fylke - vart skipa i 1763, etter at Joachim de Knagenhjelm hadda masa så lenge om å få sitt eige amt at kongen gav etter og delte Bergenhus amt i to. Knagenhjelm, som til då hadde vore sekretær hjå amtmannen i Bergen, flytta heim til Kaupanger og budde der så lenge han var amtmann.

Etter Knagenhjelm budde amtmannen for Nordre Bergenhus i Bergen i mange år, noko som vart sterkt kritisert i «nordre». I 1840 bøygde amtmann Christian Ulrich Kastrup av for presset og flytta til den einaste tettstaden av nokon storleik i amtet sitt; Lærdalsøyri. Her budde amtmannen fram til 1862, då embetssetet vart flytta til Systrond, Leikanger.

Amtmennene som budde i Lærdal var Christian Ulrich Kastrup 1833-1844, Hans Tostrup 1844-1852, Michael Conrad Sophus Aubert 1852-1862. (Sjå biografiar under «Kjende personar i Lærdal».)

Komplett liste over amtmenn og fylkesmenn i Sogn og Fjordane: sjå Leikanger kommune.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 14.10.2008