Hopp til innhold
X
Innhald

Brende stova

Tuberkulosen vart ein folkepest på slutten av 1800-talet og fram til 2. verdskrig.

I mange tun kunne sjukdomen råke storparten av huslyden. Eit vanleg råd for å verte kvitt smitten i hus der det hadde lege sjuke, var å «røykje» – d.v.s. at ein fylte romma med røyk.

På husmannsplassen Kobbeteigen på Heggdal i Innvik gjekk den fattige vedhoggaren Salve Arnesson Loen endå meir drastisk til verks: Då begge døtrene Kristi og Barbro døydde av tuberkulose, brende han like godt stova ned til grunnen og flytta derfrå.

Denne artikkelen er ein lokalhistorisk artikkel frå Fylkesleksikon for Sogn og Fjordane. Den er ikkje vurdert som leksikalsk innhald. Ver varsam med å nytte artikkelen som kjelde. 

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 11.09.2018