Hopp til innhold
X
Innhald

Budde det ein baron på Grotle?

Dei ytste husa på Grotle. Foto: Ottar Starheim, NRK.

Dei ytste husa på Grotle. Foto: Ottar Starheim, NRK.

Grenda Grotle ligg ved Grotlesanden på vestsida av Bremangerlandet. Her minner ein freda, gamal kyrkjegard om at det var Grotle som var kyrkjestaden for ytre Bremanger i mellomalderen.

På 1300-talet vert det nemnt at ein baron eller riddar som heitte Serk, budde på Grotle. Denne riddaren hadde eigedomar over heile Vestlandet. Det er kjent at han selde eller gav bort som kyrkjetiende jordeigedomar både på Nødset i Bremanger, på Reksten i Flora og på Vikør i Hardanger. Riddaren Serk var gift med Ægheleif som hadde eigedomar i Andalen i Flora kommune.

På 1340-talet eigde hertuginne Ingebjørg i Sverige jord på Grotle. Ho var dotter til den norske kongen Håkon V og gift med ein bror til svenskekongen.

Denne artikkelen er ein lokalhistorisk artikkel frå Fylkesleksikon for Sogn og Fjordane. Den er ikkje vurdert som leksikalsk innhald. Ver varsam med å nytte artikkelen som kjelde. 

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). 

Publisert digitalt etter avtale med NRK 2014.

Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til allkunne(a)allkunne.no.


Sist oppdatert: 11.09.2018