Hopp til innhold
X
Innhald

Den mislukka cellulosefabrikken

Berre 12 år var det drift i VeTreFo. Foto: Kjell Arvid Stølen, NRK.

Berre 12 år var det drift i VeTreFo. Foto: Kjell Arvid Stølen, NRK.

Vestlandske Treforedling A/S - VeTreFo vart skipa av Vestlandske Skogeigarsamband i med sikte på å byggje ein tremassefabrikk som skulle utnytte lauvskogen på Vestlandet. Den første og hittil einaste cellulosefabrikken på Vestlandet vart bygd på Hovlandsøyra i Vadheim i 1959.

Fabrikken dreiv i periodar med tre skift og hadde 40-50 tilsette. Mange av arbeidarane var tilflyttarar. Men leveransen av lauvskog frå Vestlandet svikta. For å halde hjula i gang, måtte VeTreFo importere store mengder lauvskog frå Polen og Danmark, og gjekk med store tap. VeTreFo gjekk konkurs i 1971.

Arbeidarane tok seg arbeid på verket i Høyanger og ved skipverftet i Leirvik. Fabrikkanlegget med djupvasskai sto ubrukt i mange år, inntil Pedro Ytredal starta lakseoppdrettet Pedrolaks på tomta. Også dette gjekk konkurs, og kommunen overtok for å byggje ein såkalla næringspark. I år 2001 etablerte det danske selskapet Berentsen Tekstilservice eit større vaskeri i dei gamle fabrikklokala i Vadheim.

Les også:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 03.09.2010