Fjøreknappen
«Ballastplantar» er eit omgrep i norsk flora. Dette er plantar frå frø som vert førde til landet i skipslaster, og som sår seg i sitt «nye heimland».
M.a. har den sjølvlærde botanikaren Olav J. Befring frå Jølster har skrive utførleg om «ballastplantar» i boka «Jølstrafloraen». Den mest kjende «ballastplanten» i Sogn og Fjordane er nok fjøreknappen (cotula coronopofolia) som veks i brakkvass-sona ved utløpet av Lærdalselvi. Dette er ein ca. 5-10 cm. høg vekst med gul blome, tilhøyrande korgfamilien. I Lærdal har det vore mykje strid om fjøreknappen skal få stå i fred i eigne vernesoner.
Her på Grandane veks fjøreknappen. Foto: Kjell Arvid Stølen, NRK.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014.
I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og Fjordane. Dette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til den nye eigaren.
Les meir om overtakinga av Fylkesleksikon for Sogn og Fjordane.
Sist oppdatert: 16.05.2011