Francis Olsen med fana der det sto:

Kring 1900 budde nokre år ein underleg kar i Vik som heitte Francis Olsen, innvandra frå Amerika. Han bygde eit par merkelege båtar. Den eine hadde utriggarar på sidene. Den andre vart driven med skovlar, var flat i botnen og vart kalla «Koggen».

I Vik kledde han seg i drakt av bukkeskinnsdrakt. Den var sjeldan av kroppen på karen, og lukta var deretter!

Kristen tropeøy

Francis Olsen var sterkt religiøs og la planar om å skape eit kristent idealsamfunn. Det skulle han byggje på ei tropeøy i Indonesia. Der ville han fordrive dei innfødde slik at hans eiga sekt kunne ta over.

På ei fane som Olsen fekk laga, var det skrive: «Gud velsigne Nordens Folk. Utrydde Dårskap, kjønsdans, rusdrik, tobakk, hevn, hate. Give os edruelighed, frihed, lykke, fred. Amen.»

Olsen verva folk i bygda til Indonesia-prosjektet - men heldigvis for dei innfødde, så kom han seg ikkje avgarde!

Ein av dei spesielle båtane Francis Olsen bygde. Foto: O. P. Fosse. Eigar: Vik lokalhistoriske arkiv.