Hopp til innhold
X
Innhald

Gamleheim og sjukeheim i Selje

Seljetunet Omsorg og Rehabilitering på Hamre. Foto: Ottar Starheim, NRK.

Seljetunet Omsorg og Rehabilitering på Hamre. Foto: Ottar Starheim, NRK.

Gamleheimen ved Seljesanden vart opna i 1955. Dei første løyvingane til heimen vart sette av så tidleg som i 1929.

Selje Sanitetsforening bygde på 1960-talet ut helsesenter og helsestasjon og sjukeheim i nokre paviljongbygg langs Seljesanden.

Då den nye sjukeheimen på Hamre litt lengre inne i bygda vart opna i 2002, vart mesteparten av dei gamle bygningane ved Seljesanden overtekene av private. M.a. er elektronikkselskapet Paneda AS lokalisert der, og her ligg også kontor for fysioterapeut. Sjukeheimen på Hamre har i dag namnet Seljetunet Omsorg og Rehabilitering.

Også på Flatraket og på Stadlandet er det bygt kommunale eldrebustader. På Stadlandet leiger kommunen i tillegg nokre husvære for eldre i privathus.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 06.04.2010