Hopp til innhold
X
Innhald

Huset Telegrafen

Telegrafen. Foto: Kjell Arvid Stølen, NRK.

Telegrafen. Foto: Kjell Arvid Stølen, NRK.

«Telegrafen» ligg idag midt i front for «sentrumstorget», og er eitt av dei største og mest staselege husa på gamle Lærdalsøyri.
Huset vart bygd som bustadhus i 1844 for handelsmann Carl Martin Pettersen (1813-1898) av snikkarmeister Johan Ludolf Lund frå Bergen. Lund bygde også Hansegarden som er omtala i Gamle bygningar i Lærdal. Han var også byggmeister for eit stort handelshus på Røneid ved Gaupne og hovudhuset på Nedre Amla i Kaupanger. Huset på Røneid er omtala i eigen artikkel under Luster kommune: Handel og gjestgiveri på Røneid.

Telegrafen vart i 1870 seld til Anton Olai Bertelesen (fødd 1836) frå Bergen. Han dreiv det som «Bertelsens Hotell» til 1876.

Lærdal Apotek heldt til i huset frå 1876 til 1940, med eit avbrot frå 1896-1900, då første etasje vart brukt til barneskule for «kondisjonerte» (sjå Skular i Lærdal). Det meste av tida frå 1900 til 1921 heldt Lærdal telegraf- og telefonstasjon med nokre avbrot til i bygget. Etter å ha leigd hos Ove Wangensten 1921-1942, kjøpte Televerket «Telegrafen» og heldt til der frå 1942.

Frå 1997 har bygget husa Lærdalsavdelinga av «Norsk Telemuseum», samt målerisamlinga som kunstnaren Hans Gjesme gav til kommunen i 1994. I år 2000 fekk Norsk Postmuseum ein «Lærdals-filial» i bygget.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 13.05.2011