Lag og organisasjonar i Balestrand

Balestrand Musikklag i spissen for 17. mai-toget tidleg på 1960-talet. Foto: Sverre Eitungjerde. © Fylkesarkivet.
Balestrand Ungdomslag
vart skipa i 1875. Laget bygde ungdomshus i 1920. Les artikkelen: Ungdomshuset i Balestrand.
Balestrand Bygdahus
sjå artikkelen Ungdomshuset i Balestrand.

Balestrand Bygdahus. Foto: Ottar Starheim, NRK.
Nesse Skyttarlag
vart starta i 1886.
Vetlefjordens Samtalelag
vart skipa i 1891, og var ein forløpar til det lokale ungdomslaget.
Balestrand Skyttarlag
vart skipa før 1900. Laget har fostra to skyttarkongar: Lars L. Ese d.y. som vart skyttarkonge fire gonger (1947, 1951, 1954 og 1955) og sonen Lars Hallvard Ese som vart skyttarkonge i 1980.
Balestrand Songlag
vart skipa i 1902.
Balestrand Musikkforening
vart starta i 1922. Laget har seinare skifta namn til Balestrand Musikklag.
Balestrand Musikklag
– sjå Balestrand Musikkforening.

Odd Arild Løseth spring inn til andreplass i Esefjorden Rundt i 2011. Foto: Esefjorden Rundt.
Balestrand Idrettslag
vart starta i 1929. Laget har sidan 1980 arrangert landevegesløpet Esefjorden Rundt. Men forløparen var eit skirenn som vart arrangert for første gong i 1931. I 2011 gjekk jentelaget til Balestrand IL heilt til topps i sjuarfotball i den store fotballturneringa Norway Cup i Oslo.

Balestrand-jentene kan heve pokalen etter å ha gått til topps i Norway Cup i 2011. Privat foto.
Friberg Kino
vart starta av Balestrand Ungdomslag i 1950. Opningsfilmen var ”Hamlet”.
Balejazz
vart starta i 1989.
Balestrand Bondelag
vart starta i 1996 ved at bondelaga i Balestrand og Sværefjord og Vetlefjord vart slegne saman.
Balestrand og Høyanger Turlag
vart skipa i 2008.
Kjelder
Kjeldeliste til Fylkesleksikon for Sogn og Fjordane
Artikkelen er basert på NRKs Fylkesleksikon for Sogn og Fjordane (2001–2014).
Publisert digitalt etter avtale med NRK 2014.
Artiklane i fylkeleksikonet blir dessverre sjeldan oppdaterte, grunna manglande ekstern finansiering etter at Allkunne tok over artiklane frå NRK. Meld gjerne frå om feil eller manglar til post(a)allkunne.no.
Sist oppdatert: 10.08.2011