Hopp til innhold
X
Innhald

Soldatepidemien i 1811

Christian Bonning Uchermann var den første distriktslegen i Fjordane. Han vart tilsett i 1802, og hadde tilhald i Innvik i Nordfjord. Noko seinare vart stillinga flytta til Førde.

Her fekk han mykje arbeid med ein epidemi som vart dregen heim med soldatar frå krigen mot svenskane kring 1811. Epidemien herja hardt i inste Sunnfjord-bygdene i mange år, og vert omtala så seint som i 1831.

Fram til 1836 var det berre to distriktslegar i fylket – ein for Sogn og ein for Fjordane. I 1836 vart talet på legar auka til fire. Legen for Sunnfjord hadde då tilhald på Storgarden Tysse.

Indre Sunnfjord fekk si spesielle legeordning i 1854, då legen Hammer opna praksis i Førde. I 1857 fekk fylket åtte legedistrikt. Kinn vart eige legedistrikt i 1863, og i 1866 søkte Vevring kommune om å verte overført frå distriktlegen i Førde til legen i Kinn.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 27.11.2008