Hopp til innhold
X
Innhald

Sønneva Eris hus - bakeri og telegrafstasjon

Sønneva Eris hus var eit staseleg hus frå rundt 1840. Foto: Tor Harald Frøyset, Magasinet Norske Hjem.

Sønneva Eris hus var eit staseleg hus frå rundt 1840. Foto: Tor Harald Frøyset, Magasinet Norske Hjem.

Eit stykke aust i Øyragata stod det fram til 19. januar 2014 eit vakkert, toetasjes empirehus med vipp på det halv-valma taket. Huset vart bygt kring 1840 av bakar Ingebrigt Ingebrigtsen (f.1807) frå Bergen. Huset vart freda i 1923.

Byggmeister var Anders Bondehagen. Det husa også telegrafstasjonen då den første innlandske telegraflina frå Oslo til Bergen vart bygd om Lærdal i 1858. Her budde også første telegrafstyraren, Christian Hiorth Stabell, og seinare postførar og jekteskippar Jens Kristoffersen frå 1859.

I 1903 kjøpte Sønneva Eri huset og leigde bakeriet ut til Otto Ravn Ottosen. Sonen til Sønneva, Jens Eri, dreiv i tillegg til bakeriet også "J.J. Eris Pensjonat" med kafé og overnatting i bygget. Huset vart kalla "Husfred".

Men natt til søndag 19. januar 2014 brann huset ned til grunnen i ein storbrann som starta i eit bustadhus lenger aust (Sjå Storbrannen i Lærdal i 2014). Brannen tok også Losjehuset og eit verna uthus. I alt 23 bygningar brann ned til grunnen.

Det har teke fyr i Sønneva Eris hus natt til 19. januar 2014. Etter kort tid hadde elden jamna det med jorda. Foto: Arve Uglum.

Det har teke fyr i Sønneva Eris hus natt til 19. januar 2014. Etter kort tid hadde elden jamna det med jorda. Foto: Arve Uglum.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 21.01.2014