Hopp til innhold
X
Innhald

Sorenskrivaren budde lenge i Solvorn

Sorenskrivarhuset i Solvorn ligg idyllisk til ved fjorden. Foto: Merete Husmo Høidal, NRK.

Sorenskrivarhuset i Solvorn ligg idyllisk til ved fjorden. Foto: Merete Husmo Høidal, NRK.

Ved stranda i Solvorn ligg eitt av dei største herskapshusa i Sogn. Det har halvvalma tak, og er på 2 1/2 etasje. Dette er den gamle sorenskrivargarden i indre Sogn.

Sorenskrivaren i indre Sogn heldt til i Solvorn i over 150 år. Det var sorenskrivar og Eidsvolls-mann Lars Johannes Irgens som bygde det store herskapshuset frå 1814 til 1819. Han hadde då vore sorenskrivar sidan 1802, og budde i leigd hus på Loftesnes i Sogndal fram til han bygde i Solvorn - sjå: Sorenskrivargarden på Loftesnes.

På dette biletet ser vi sorenskrivarhuset lengst til venstre. Foto: Merete Husmo Høidal, NRK.

På dette biletet ser vi sorenskrivarhuset lengst til venstre. Foto: Merete Husmo Høidal, NRK.

Christiannelyst

Irgens kalla eigedomen i Solvorn opp etter ektemaken sin Christianna: Christiannelyst.

Embetet flytta til Sogndal att

Embetet flytta til Sogndal att

Sorenskrivaren i indre Sogn heldt til i Solvorn fram til 1965, då embetet vart flytta tilbake til Sogndal. Sorenskrivar og Eidsvoll-mann Irgens er heidra med ein minnekross i jern på kyrkjegarden i Solvorn.

Huset restaurert

I 1968 kjøpte fylkeslege Rolf Hegbom og ektemaken Torbjørg det gamle huset som då var litt til nedfalls. Dei har sidan gjennomført ei stor restaurering av det gamle herskapshuset på i alt 16 rom.

I tidlegare tider har sorenskrivaren i indre Sogn m.a. budd på garden Talle i Luster, Eide i Skjolden og i Kroken - sjå: Adelsgardane i Luster.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 30.03.2011