Hopp til innhold
X
Innhald

Stødnahuset - apotek og amtmannsbustad

Stødnahuset  - Øyramarki 1. Foto: Kjell Arvid Stølen, NRK.

Stødnahuset - Øyramarki 1. Foto: Kjell Arvid Stølen, NRK.

«Husfred» (sjå Sønneva Eris hus - bakeri og telegrafstasjon) og det såkalla «Stødnahuset» lengre aust ved Øyragata er om lag like i form. Stødnahuset vart bygd ca. 1830 som landhandleri og bustadhus for kjøpmann Mathias Jordan (1770-1855).

Frå 1850 vart Hartvig Lund eigar, og frå 1852 til 1860 var huset bustad for amtmannen (fylkesmannen) i Nordre Bergenhus amt. Seinare overtok landhandlar Kristen Hille, og i tida 1863 til 1878 heldt Lærdal Apotek til her.

Huset har namnet sitt etter Per Tomassen Stønjum (1845-1930) som kjøpte huset i 1896 og dreiv butikk der samstundes som han var gardbrukar på Hjermann-garden på Stødno, der han hadde gifta seg med enkja etter Peder Severinson Hjermann (1841-1868). Per Stønjum var i kommunestyret i 30 år, mange år som ordførar, og styremedlem i sparebanken i 50 år.

Lærdal Samvirkelag starta i 1921, leigde han ut første etasje i huset til butikk for laget, som flytta over i nedlagde Ørens Meieri i 1934.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 21.01.2014