Hopp til innhold
X
Innhald

Største fruktgard i Norden

Teikning av Stedje frå tidleg på 1800-talet. På denne tida skulle det vere 6666 frukttre på garden.

Teikning av Stedje frå tidleg på 1800-talet. På denne tida skulle det vere 6666 frukttre på garden.

Storgarden Stedje er mest kjend for at den på 1800-talet hadde den største frukthagen i Norden - med 6666 utplanta tre.

På denne tida var det godseigar Henrik Formann som eigde garden. Han budde på Lysekloster i Os ved Bergen, og kjøpte Stedje i 1833. Han dyrka også eksotiske frukter som aprikos, fersken og druer der, og dreiv planteskule. Godseigar Formann på Stedje deltok med frukt på utstillingar 1855-1862 og fekk ei mengd medaljar.

Etter at Henrik Formann døydde i 1871, kjøpte den særmerkte Bergens-kjøpmannen og nynorskmannen Henrik Krohn Stedje gard i 1872 og busette seg der. Han hadde nokre år tidlegare kjøpt Sogndal Tændstikfabrik. Stedje hadde på denne tida 200 mål innmark, 20 storfe og fire-fem hestar.

Les meir om: Storgarden Stedje.

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 12.10.2011