Hopp til innhold
X
Innhald

Streik i mellomkrigstida

1. mai-toget i Høyanger i 1920. Ukjend fotograf.

1. mai-toget i Høyanger i 1920. Ukjend fotograf.

Alt i 1916 kom den første streiken, då arbeidarane kravde tariffavtale med høgare løn og betre betaling for overtid. Ein voldgiftsdom gav arbeidarane medhald i det meste, og etter kort tid tok dei opp att arbeidet.

Den første storkonflikten kom i 1919, då Høyanger var lamma i over to månader av streik for høgare løn. I 1929 gjekk arbeidarane til streik i seks dagar for å presse leiinga til å ta inn att ein arbeidar som etter seks års tilsetjing vart oppsagd med grunngjeving at han var «mindreverdig». Verksleiinga måtte bøye av.

I 1937 streika arbeidarane i over ein månad etter brot i dei sentrale lønstingingane. Samvirkelaget i Høyanger gav dei streikande kreditt slik at dei kunne klare seg med mat medan streiken varte.

Alt i 1917 gjekk arbeidarane i demonstrasjonstog i Høyanger. Her handlar det om mat, dei kravde at det ikkje skulle eksporterast matvarer frå Noreg. Ukjend fotograf. Eigar: Hydro-arkivet.

Alt i 1917 gjekk arbeidarane i demonstrasjonstog i Høyanger. Her handlar det om mat, dei kravde at det ikkje skulle eksporterast matvarer frå Noreg. Ukjend fotograf. Eigar: Hydro-arkivet.

Les meir:

Kjelder

Kjeldeliste til Fylkesleksikon for Sogn og Fjordane 

Artikkelen er basert på NRKs Fylkesleksikon for Sogn og Fjordane (2001–2014). Publisert digitalt etter avtale med NRK i 2014. 

I 2021 tek Vestland fylkeskommune ved Fylkesarkivet over innhaldet i Fylkesleksikon for Sogn og FjordaneDette innhaldet blir derfor ikkje lenger oppdatert på allkunne.no. Feil eller manglar som blir melde inn til post(a)allkunne.no, blir registrerte og overleverte til denye eigaren 

Les meir om overtakinga av Fylkesleksikon for Sogn og Fjordane. 


Sist oppdatert: 23.08.2010