I dette oversynet er berre større og spesielle hendingar tekne med.

I 1748

gjorde flaum stor skade på mange gardar i Guddalen - m.a. på Langeland, Sørebø og Grøvlen. Det er ikkje kjent om menneskeliv gjekk tapt.

I 1786

drukna tre menn frå Dale under vintersildfisket ved Kinn.

I 1815

døydde ein heil huslyd - mor, far og fire born - på garden Kalhagen ved Åsnes av ein smittsam sjukdom. Ei kvinne som skulle pleie dei vart også smitta og døydde.

I 1824

drukna far, to søner og ei tenestejente på garden Strand på Myklebustvatnet då dei skulle ro korn til kverna ved Hålandsfossen.

I 1838

drukna ei kvinne og ein mann frå Gjølanger i Dalsfjorden.

I 1840

drukna to kvinner og ein mann frå Korssund.

I 1841

drukna ei kvinne og ein mann frå Haugland i Dalsfjorden på veg til kyrkje i Holmedal.

I 1849

drukna far og son frå garden Sundal

I 1856

drukna to kvinner og ein eldre mann då dei gjekk gjennom isen på Hovlandsvatnet.

I 1861

drukna heile mannskapet - i alt åtte mann frå Fjaler kommune - under sildefiske ved Kinn. Båten dreiv i snøtjukka inn i brenningen og vart knust.

I 1865

drukna tre menn og ei kvinne frå garden Eiken ved Tyssedalsvatnet då dei vart overraska av storm på veg heim frå Dale.

I 1868

drukna to menn frå Tysse då dei gjekk gjennom isen på Sørdalsvatnet.

I 1869

omkom ei kvinne frå garden Øyrane i Espedal då ho vart råka av eit steinras medan ho slo i utmarka.

I 1869

drukna fire personar frå garden Hovland då båten deira kantra i Breivatnet. Det var far og son, ein tenar på garden og sonen til ein husmann under Hovlands-garden.

1870

I 1870 omkom ein mann frå Bjordal då han fekk eit tømmerlass over seg.

I 1880

drukna to mann frå Hellevik i ein storm då dei skulle sigle heim frå Dale.

I 1883

drukna to menn frå Strandenes under Osfossen i Bygstad då dei skulle henta mjøl frå mølla der.

Osfossen, der to menn frå Strandenes drukna i 1883. Mølla dei skulle hente mjøl frå låg til venstre for fossen. Foto: Ottar Starheim, NRK.

I 1899

drukna ein gardbrukar frå Holt og drengen hans i vatnet Langesjøen ved Hellevik.

I 1907

drukna tre kvinner ved kaia i Dale. Det var systrene Jenny og Lisa Vonen frå garden nedre Dale. Også ei hushalderske frå garden, Marthe Buttedal, drukna.

I 1918

drukna ein mann og ein 18 år gamal gut frå garden Espedal ved Hovlandsvatnet.

I 1929

drukna to kvinner frå garden Haugland i Flekkefjorden.

Kaia i Flekke der fire ungdommar omkom då dei køyrde utfor kaikanten og i sjøen. Foto: OttarStarheim, NRK.

I 1969

drukna fire kvinner frå Igelkjøn og Haugland då dei køyrde utfor kaia i Flekke.

På 1970-talet

omkom tre ungdomar frå Fjaler då dei køyrde ut for vegen og i fjorden ved fjellet Saltkjelen ved Bygstad.

I 1997

omkom to unge menn frå Fjaler i ei trafikkulukke i riksvegkrysset på Storehaug i Gaular.